SHKODER-Është rritur bilanci i aksidentit të frikshëm të ndodhur pasditen e sotme në aksin rrugor Shkodër-Velipojë ku nga përplasja e dy mjeteve u plagosen 7 persona. “BalkanWeb” mëson se nga ky aksident kanë humbur jetën babai Mondi Gjergji dhe foshnja 8 muajsh të cilët udhëtonin në një nga mjetet. Dy fëmijë të tjerë ndodhen në gjendje të rëndë për jetën.
Në aksident janë përfshirë një mjet ‘Alfa Romeo’ dhe një ‘Fuoristradë’.
Në mjetin tip ‘Alfa Romeo’ udhëtonte një familje me 5 anëtarë, ndërsa në mjetin tjetër dy udhëtarë. Të plagosur kanë mbetur drejtuesi i mjetit tip ‘Alfa Romeo’, Mondi Gjergji, bashkëshortja e tij dhe 3 fëmijët.
