Dembele pritet të startojë të martën kundër Juventusit në Champions League.Talenti i ri i Barcelonës, Ousmane Dembele, duket se tashmë e ka fituar vendin e titullarit.
Sipas “Sport”, trajneri i Barcelonës, Ernesto Valverde, ka mbetur i befasuar me debutimin e Dembeles të shtunën kundër Espanyolit.
Anësori, që u bë lojtari më i shtrenjtë në histori të Barcelonës, duke u transferuar nga Borussia Dortmundi për 145 milionë euro, luajti në “Camp Nou” për 20 minuta dhe asistoi në golin e fundit për fitoren 5:0 të katalunasve.
Valverde u befasua me lojën e mirë që bëri Dembele dhe tani raportohet se ai do të luajë nga minuta e parë kundër Juventusit në Ligën e Kampionëve, përgatiti ”Gazeta Express”. (b.an)
