Presidenti i Republikës, Bujar Nishani, vendos të falë Nazime Vishën. Me kërkese të ministrit të drejtësis, Ylli Manjani, kreui shteti ka nxjerrë sot dekretin me anë të së cilit ai shpall faljen e Nazime Vishës nga vuajtja e mëtjeshme dënimit. Kreu i shtetit e ka argumentuar faljen e saj duke marre parasysh nje seri rrethanash. “E denuara ka kryer 1/3 e denimit. Tek kerkuesja vleresova pendesen ndaj aktit nga ana e te denuares”, eshte shprehur Nishani. Nazime Visha ishte denuar me 10 vjet heqje lirie, me akuzen per “vrasje me paramendim”. Prej kohesh shume personalitete, organizata joqeveritare, si dhe titullare institucionesh kane kerkuar faljen e saj, per faktin se ajo kreu krimin ne kushte shume te renduara, pasi per nje kohe te gjate ka qene objekt abuzimi nga personi qe ajo i mori jeten. Dekreti i sotem e fal ate nga vuajtja e metjshme e denimit, si dhe krijon mundesin per fillimin e nje jete te re per Nazime Vishen.
(javanews.al) M. A
Arsyetim i Presidentit “Për Falje Dënimi” te Nazime Vishes
Mbështetur në përcaktimet kushtetuese, dhe ligjin nr. 10295, datë 01.07.2010 “Për Faljen”, vendosa të shqyrtoj kërkesën dhe dokumentacionin ligjor, për faljen e të dënuarës Nazime Beqir Visha, paraqitur nga Ministri i Drejtësisë, së bashku me propozimin e tij, për pranimin e kësaj kërkese ( Nr.1345/4 prot, dt.26.02.2016).
Nga dokumentacioni rezultoi se kërkuesja Nazime Beqir Visha është dënuar nga Gjykata e Rrethit Gjyqësor, Tiranë me 10 (dhjetë) vite burgim, për kryerjen e veprave penale “Vrasje me paramendim”, dhe “Prodhim dhe mbajtje pa leje të armëve luftarake”, parashikuar nga nenet 78/1 e 278/2 i Kodit Penal, lënë në fuqi nga Gjykata e Apelit Tiranë, me vendim nr.918, datë 18.10.2013.
E dënuara rezulton, gjithashtu, se ka kryer më shumë se 1/3 e dënimit të dhënë, dhe sipas akteve të Ministrit të Drejtësisë i mbetet për të vuajtur edhe 3 (tre) vite, e 9 (nëntë) muaj, e 21 (njëzetenjë) ditë burgimi (data e llogaritjes deri më 17.02.2016). Në llogaritjen e vuajtjes së dënimit janë konsideruar dhe uljet e dënimit të fituara nga paraburgimi, nga ligji nr. 8328 , datë 16.04.1998 “Për të drejtat dhe trajtimin e të dënuarve me burgim dhe të paraburgosurve”, i ndryshuar si dhe nga ligji nr.22/2014 “Për dhënie amnistie”.
Pas shqyrtimit të dokumentacionit në ushtrimin e të drejtës së faljes, për të dënuarën Nazime Beqir Visha, kam mbajtur parasysh kushtet dhe kriteret e ligjit nr. 10295, datë 01.07.2010 “Për faljen”, si dhe faktin sipas të cilit falja është një akt human i jashtëzakonshëm mëshire, dhe jepet në rastet kur nuk ekzistojnë kriteret ndaluese, e kur dënimi i vuajtur ka arritur qëllimin edukues dhe riintegrues. Tek kërkuesja vlerësova gjithashtu pendimin e thellë, sjelljen e saj si e dënuar, arsyetimin ligjor dhe propozimin e Ministrit të Drejtësisë, si dhe çdo rrethanë tjetër të veçantë që justifikon faljen.
Për të gjitha këto arsye vendosa që në mbështetje të nenit 92 gërma “b” dhe 93 të Kushtetutës, si dhe të neneve 11 dhe 12, të ligjit nr. 10295, datë 01.07.2010 “Për Faljen”, me propozim të Ministrit të Drejtësisë, të dekretoj faljen e pjesës së dënimit të mbetur, të të dënuarës Nazime Beqir Visha.