Luis Suarez ishte njëri nga heronjtë e Barcelonës në ndeshjen që do të mbahet për rikthimin e madh në rezultat. Sulmuesi uruguaian shënoi që në minutën e tretë, ndërsa dy minuta para përfundimit e fitoi një penallti, e cila i mundësoi skuadrës së tij kualifikimin me një përfundim historik, shkruan zeri.info.
Mirëpo, momenti i penalltisë u diskutua gjatë dhe anekënd botës. Përballja e Suarezit me futbollistin rival Marquinho ngjalli dyshime të mëdha nëse ishte për penallti apo jo, por shumica mendojnë se sulmuesi i katalonasve rrëzua duke aktruar me mjeshtri.
Në mesin e tyre është edhe suedezi Lars Lagerback, aktualisht përzgjedhës i kombëtares franceze. “Është e dhimbshme që ndeshja u vendos nga një penallti që nuk ekzistoi. Jam i zhgënjyer dhe më vjen keq për futbollin”, ka thënë Lagerback për “Marca”. (b.an)
