Fondi Monetar Ndërkombëtar ka paralajmëruar se dalja potenciale e Britanisë nga Bashkimi Evropian përbën rrezik të madh për ekonominë e saj.
Shefja e FMN-së, Christine Lagarde, ka thënë se Britania do të përballet me pasiguri afatgjate ekonomike dhe luhatje në tregjet financiare nëse voton për braktisje të BE-së në referendumin e 23 qershorit. Lagarde i ka bërë këto komente në një konferencë për media në Londër, referon Koha.
“Shumica e analizave ekonomike që janë kryer, tregojnë se largimi nga BE-ja do të jetë i kushtueshëm në afat të gjatë. Edhe në afat të shkurtër ka rrezik nga reagimi i pafavorshëm i tregjeve”, ka thënë Lagarde.
Paralajmërimi i fundit vjen në kohën kur kryeministri britanik, David Cameron, po bën fushatë të zjarrtë për të mbajtur Britaninë brenda bllokut 28-anëtarësh. (b.an)
