Laçi ndali pas dy fitoreve radhazi Kukësin e vendit të parë, në ndeshjen e javës së tretë të kampionatit. Në ndeshjen e zhvilluar në “Loro Boriçi” të Shkodrës, Laçi ishte më pranë fitores, por verilindorët barazuan tre minuta para fundit.
Pas ndeshjes, trajneri i kurbinasve, Sulejman Starova, u shpreh i kënaqur me lojën dhe pikën e marrë.
“Ishim afër fitores, por duhet ta pranojmë që ngarkesa psikologjike e mungesës së pikëve si dhe gjendja gripale ndikoi. Vetëm skuadrës sime i ndodh kjo. Dolëm me 12 veta në nxemje kishim probleme shëndetësore me disa lojtarë. Më pëlqen loja”, tha Starova. – “U përballë me skuadrën më të mirë të kampionatit, që mundi Partizanin kampion. Duke e pranuar që më vjen keq që nuk mora fitoren, skuadra ka nevojë për pikë, kampionati është i gjatë.”
Ai tha se skuadra e tij ishte më pranë fitores.
“Me lehtësi kemi shkuar në sulm. Nuabueze krijon volum si dhe hap hapësira, se merr 2 lojtarë. Edhe Xhixha është lojtar i rëndësishëm. Gradualisht do gjejë formën. Kemi kohë të bisedojmë. Pushimi do na ndihmojë. Fakti që barazuam lojë dhe që luajtëm me skuadrën më të mirë, mund të kënaqë lojtarët nga ana psikologjike.
Me këtë rezultat, pas dy ndeshjeve të para, Starova sheh një ecuri edhe më të mirë për Laçin.
‘E pranova që kriza e pikëve rëndon te skuadra. Mundësitë tregohen që janë. Është kampionat i gjatë. Gjendja morale ndizet. Tekos i ka ardhur një pezullim 2 javorsh nga Brazili. U godit nga një virozë. Është lojtar i rëndësishëm në skuadër”, theksoi trajneri i Laçit, pas ndeshjes.
Dy ndeshjet e fundit javës së tretë fillojnë në këto momente, mes Partizanit e Flamurtarit, dhe Skënderbeut e Bylis.
Tirana, Kukësi dhe Teuta kryesojnë aktualisht me 7 pikë, por Skënderbeu, në rast fitoreje me Bylis, merr kryesimin pas dy fitoreve në dy javët e para.
Kategoria Superiore-Java e 3-të/Sot
Kukësi-Laçi 1-1
Partizani-Flamurtari (19:00)
Skënderbeu-Bylis (19.00)
Dje
Vllaznia-Tirana 0-2
Teuta-Luftëtari 3-1
Kukësi-Laçi 1-1 (Sot në Loro Boriçi)
Shënues: 87’ Musta / 52’ Nuabueze
Kukësi: Avdyli, Maliqi (46’Abazaj), Obanor, Teqja, Kitanovski, Rroca, Limaj(79’Kotobelli), Et’hemi, Musta, Shkurtaj, Gavazaj (68’ Daku). Trajner. Shpëtim Duro
Laçi: Stazhilla, Fangaj, Gjoni, Injatoviç, Domgjoni, Turkaj, Shehu, Lushkja, Xhixha (79’Berisha), Deliu (93’Gjini), Nuabueze. Trajner. Sulejman Starova
Gjyqtarë: Klodian Shahini, Ilir Tartari, Renato Malaj, (Emirjon Sino)
