Mediat italiane i kanë kushtuar rëndësi të vecantë ngjarjeve të fundit që po ndodhin në Shqipëri në prag të ndeshjes me Serbinë me një artikull ‘Kur futbolli përzihet me politikën”.
Repubblica.it shkruan se masat janë maksiamle për mbarëvajtjen e një sfide që është e mbushur me shumë urrejtje dhe mllef, ndërsa kryeministri Rama shprehet se “Është në rrezik imazhi i Shqipërisë”.
Në vazhdim Repubblica.it ndalet edhe te studentët serbë që do të jenë në stadium për të ndjekur ndeshjen. “70 studentët janë pjesë e një programi që synon të promovojë të rinjtë dhe miqësinë mes dy vendeve”.
Pikënisja e gjithë incidenteve që ndodhën një vit më parë, Repubblica.it shkruan se ka qenë pikërisht ai që u arrestua dje në Tiranë me 3 persona të tjerë dhe dy armë, Ballist Morina.
Një pjesë të veçantë në artikull zënë edhe incidentet e regjistruara në Ballkan në ndeshjet e futbollit, teksa një vend ‘nderi’ zë edhe Ivan Bogdanov që dogji flamurin shqiptar në Genoa.
“Shpresojmë se dronë dhe incidente nuk do të ketë si në ndeshjen e parë, fyerjet dhe odendimet do të mbeten jashtë stadiumit dhe 70 studentët serbë do të respektohen”mbyllet artikulli i Repubblica.it.
