Një libër, faqet e të cilit mund të kthehen në letra filtruese për ujin e pijshëm të ndotur në Afrikë ka rezultuar i suksesshëm në provat e para. “Libri i pijshëm” kombinon letra specifike në të cilat jepen udhëzimet sesi duhet përdorur për të filtruar ujin e ndotur.
Letrat përmbajnë nanogrimca argjendi ose bakri, çka shkakton vrasjen e mikrobeve të ujit që kalon nëpër fletë.
Në provat e 25 burimeve të ndotura uji në Afrikën e Jugut, Ghanë dhe Bangladesh, letra shkatërroi më shumë se 99% të bakterieve. Niveli i lartë i cilësisë së ujit është i ngjashëm me cilësinë e ujit në SHBA, thonë kërkuesit.
Një sasi e vogël argjendi dhe bakri futet në ujë, por kjo është shumë poshtë nivelit të sigurisë.
BBC raporton se rezultatet u prezantuan në takimin e 250-të ndërkombëtar të Shoqërisë Amerikane të Kimisë në Boston, SHBA.
Kërkuesja e postdokturaturës në Universitetin e Carnegie Mellon në Pitsburg, Dr Teri Dankovich, ishte ajo që zhvilloi dhe testoi teknologjinë e këtij libri prej vitesh.
Ajo shprehet për BBC se kjo shpikje drejtohet ndaj komuniteteve në vendet në zhvillim, ndërsa thekson se 663 milion njerëz përreth botës nuk kanë mundësi të konsumojnë ujë të pijshëm të pastër.
Sipas saj një faqe mund të pastrojë në mbi 100 litra ujë, duke përllogaritur që një libër i tërë mund të pastrojë ujin e nevojshëm për konsum për katër vite jetë të një njeriu.
