Kuvendi mbylli punimet e sesionit parlamentar me miratimin të hënën në mbrëmje te projektligjit “Për turizmin”.
Me 79 vota pro, 13 kunder dhe asnje abstenim deputetet miratuan draftin, ne perfundim te séances se posacme qe zgjati mbi pese ore, duke i hapur rrugen zbatimit ligjit të ri që synon të rrisë numrin e turistëve dhe të investimeve në turizëm.
Opozita e kundërshtoi pr/ligjin, qendrim qe e kishte paralajmeruar qe me shqyrtimin në komisione, duke vleresuar se ai ka koncepte të gabuara, por dhe një përqendrim të kompetencave në një ministri të vetme.
Ligji ne fjale parashikon standardizimin dhe klasifikimin e strukturave akomoduese, sipas yjeve, nje proces qe mund të kryhet me asistencën e një kompanie të huaj.
Pr/ligji u miratua dhe me amendimet dhe verejtjet e propozuara nga komisioni parlamentar i Ligjeve dhe komisioni pergjegjes i Veprimtarise Prodhuese.
Gjate votimit nen per nen, kryetari i Kuvendit, Ilir Meta u detyrua të nderpresë per pak minuta seancen, pas këmbënguljes së kryetarit të komisionit të Ligjeve, Fatmir Xhafaj, për të miratuar dhe amendimet që ky komision kishte formuluar për projektin ne fjale, dhe që sic tha ai, ishin mbështetur dhe nga ekspertët e ministrisë përkatëse.
Ne perfundim te seances se sotme, që shenoi dhe fundin e sesionit parlamentar të verës, kryetari i Kuvendit, Ilir Meta, falenderoi deputetet per kontributin e tyre, duke i ftuar qe ne shtator ta nisin punen me energji pozitive.
“Ju falenderoj per punen e bere dhe uroj te qetesohemi te gjithe e te reflektojme per te nisur me energji pozitive punen ne shtator”, u shpreh Meta.
Sipas rregullores se Kuvendit sesioni i radhes nis te henen e pare te shtatorit.
