Kuvendi i Kosovës në orët e fundit të ditës së enjte, është goditur me një mortajë krahu nga dy persona me motoçikletë. Media kosovare mëson nga burimet e saj se pas kryerjes së sulmit ata kanë ikur nga vendi i ngjarjes dhe më pas e kanë djegur motoçikletën.
Objektiv ka qenë kati i katërt i godines. Në këtë pjesë të kuvendit është edhe zyra e Presidentit Hashim Thaçit. Versioni i Policisë thotë se nuk ka të dyshuar por që hetimet vazhdojnë.
Ndërkohë që policia e Kosovës i është përgjigjur portalit koha.net lidhur me shpërthimin që ndodhi në orët e mbrëmjes te Kuvendi.
PK ka njoftuar se ka reaguar menjëherë dhe është duke marrë veprimet intensive për të identifikuar të dyshuarit.
“Me 04.08.2016 rreth orës 23:00, në ndërtesën e Kuvendit të Kosoves, në rrugën Agim Ramadani në Prishtinë, nga distanca ka ndodhur një sulm me një mjet të dyshuar shpërthyes. Si pasojë janë shkaktuar dëme materiale, por nuk raportohet për të lënduar në njerëz. Policia e Kosovës me njesitet relevante të saj menjëher ka reaguar në lokacion dhe veprime intensive operative dhe hetimore janë duke u kryer për të identifikuar të dyshuarit e involvuar në rast”, thuhet në njoftimin e Policisë. (b.an)
