Me nisjen e seancës plenare, deputeti i opozitës Genc Pollo i ka kërkuar kreut të kuvendit Meta që drafti qeverisë për kriminalizimin e shpifjes të tërhiqet për tu diskutuar sipas ligjit. Pollo theksoi se drafti qeverisë ka shkelur procedurat ligjore të kuvendit dhe nuk është diskutuar me grupet e interesit
“Janë shkelur procedurat, që kur ndryshohet kodi penal vjen nga Ministria e Drejtësisë, por vjen nga Ministri i Shtetit. Nuk është diskutuar as me shoqatën e gazetarëve, as me shoqatën e të drejtave të njeriut, as me grupet e interesit. Duhet ta tërhiqni, dhe ky projektligj t’i kalojë procedurave, e më pas të vijë prapë në Kuvend”, tha Pollo.
Në reagimin e saj Ministrja e shtetit për çështje e Parlamentit, Ermonela Felaj, ka thënë se drafti në fjalë nuk është përfshirë në kalendarin e kuvendit dhe se nuk është shkelur procedura parlamentare. Felaj theksoi se drafti nuk ka të bëjë me median apo gazetarët por vetëm me deklaratat e zyrtarëve dhe politikanëve.
“Projektligji për të cilin ju sapo folët nuk është përfshirë në programin e kuvendit. Si shpifja si feyrja janë vepra që prashikohen në kodin tonë penal, pra sot që po flasim. Në vitin 2012 debati për heqjen çoi vetëm në një konsensus, pra që nuk do të parashikohej dënimi penal por dënimi me gjobë. Pra dënimi mbetet civil dhe në rast se nuk paguhet ai kthehet në dëmin penal. Sa për nenin e draftit në fjalë, nuk ka një dënim për median apo gazetarët. Ne jemi të vendosur që të ngrejmë një standart të së vërtetës. Mund të shihni dhe standartet e vendeve më të zhvilluara si psh Franca apo Gjermania. Ju siguroj në emër të qeverisë që drafti nuk është aboslutisht penalizimi i mediave apo i njerëzve të ndryshëm. Ndërkohë ne këtu, që paguhemi nga taksat e popullit, nuk na lejohet në asnjë mënyrë që të shpifim dhe të gënjejmë për qëllime politike. Kjo nuk duhet të ndodhë më.”- tha Ermonela Felaj
Meta: Të mos bëjmë debat për një cështje që është e qartë
Pollo: Projekligji ka ardhur në shkelje të ligjit, të kërkesave proceduriale kuvendore. Ja ardhur dukje ju fshehur publikut dhe grupegve të interesit.
