Ish-kryeministri ka vijuar akuzat e tij kundrejt familjarëve të politikanëve duke thënë se po përfitojnë tendera publikë.
Ai ka akuzuar kompaninë e konsulencës së djalit të deputetes Valentina Leskaj, si përfitues i disa shërbimeve. Por i menjëhershëm ka qenë reagimi i Leskajt e cila u shpreh se është krenare për fëmijët e saj dhe se ata nuk kanë përfituar kurrë nga paratë publike.
“Të dy fëmijët e mi kanë mbaruar shkollat shkëlqyeshëm. Janë fëmijë që që nga kopshti e deri më sot janë model. Është turp që djali im që ka investuar 8 vite studime jashtetit, ka ardhur këtu dhe ka ndenjur 8 vite pa punë sepse ishe ti në pushtet” – tha Leskaj në fjalën e saj të ashpër në seancë.
Ajo tha se dy djemtë e saj kanë përfituar projekte edhe me qeverinë e Berishës, ndërsa theksoi se nuk beson se djemtë e saj kanë ndarë paratë me Lulzim Bashën. (javanews.al)
