Gjykata Kushtetuese ka rrëzuar kërkesën e Elvis Rroshit, i cili kërkonte shfuqizimin e vendimit të qeverisë që e kishte shkarkuar nga detyra në kuadër të ligjit të dekriminalizimit.
Seanca për kërkesën e Elvis Rroshit në Gjykatën Kushtetuese, ku ish-kryebashkiaku kërkoi rikthimin e tij në detyrën si kryetar i Bashkisë së Kavajës, është zhvilluar me dyer të mbyllura dhe pa praninë e mediave.
Ndërkohë ish-kryebashkiaku kërkonte nga gjykata, rikthimin e mandatit të tij si kryebashkiak i Kavajës, që iu hoq nga KQZ-ja në zbatim të ligjit të dekriminalizimit.
Më 29 dhjetor të vitit 2016 Komisioni Qendror i Zgjedhjeve vendosi heqjen e mandatit për kryebashkiakun e Kavajës Elvis Rroshi dhe po atë ditë qeveria mori vendim për shkarkimin e tij. Megjithatë opozita denoncoi faktin se Rroshi vijon të jetë në krye të detyrës.
/b.d