Paralelisht me shkollën “Nënë Tereza”, zonës së Kodër-Kamzës po i shtohet edhe një kopsht krejt i ri e modern. Bashkia e Tiranës po i jep dorën e fundit punimeve që gjithçka të jetë gati për kopshtin e ri në këtë zonë i cili është ndërtuar nga e para. Bashkia ka ndërtuar mbi rrënojat e godinës së vjetër dhe të sipërfaqes e cila ishte zënë më parë nga ndërtimet pa leje objektin e ri i cili përmbush të gjitha standardet për rritjen e të vegjëlve. Nëse më parë godina ishte një katëshe dhe tërësisht e mbuluar nga lagështia, ajo ka marrë një pamje krejt tjetër. Sikurse shihni edhe nga këto foto, godina ka hapësira shtesë duke rritur kapacitetin e saj, sistem të ngrohjes qendrore, nyje sanitare të reja, mur rrethues të rindërtuar nga e para etj.
Rindërtimi i kopshtit në Kodër Kamëz, është një premtim i mbajtur nga kryebashkiaku Veliaj, që do të ulë ngarkesën në kopshtet e tjera të zonës, si dhe do të rrisë cilësinë e shërbimit dhe edukimit për fëmijët që i frekuentojnë ato! /l.m
