Ashtu si në Shqipëri, edhe Shtetet e Bashkuara të Amerikës po ndërmarrin masa drastike me qëllim mbrojtjen e jetëve njerëzore nga koronavirusi.
Ka qenë vetë Presidenti Donald Trump i cili nxorri udhëzime të reja për amerikanët që të ndjekin këto 15 ditë, në mënyrë që të ngadalësojnë përhapjen e shpërthimit të koronavirusit.
Video e Presidentit amerikan është publikuar edhe nga kryebashkiaku Veliaj teksa shkruan: “Kush kishte dyshim per masat e marra nga Edi Rama dhe kish nevojë për konfirmim, ja ku e ka”.
Shtëpia e Bardhë tani po rekomandon që njerëzit të qëndrojnë në shtëpi, përfshirë edhe ata që janë snë moshë të re dhe gëzojnë shëndet të plotë, ndërsa rekomandojnë që të punohet nga shtëpia. Gjithashtu amerikanëve u kërkohet që të shmangin grumbullimet, të kufizojnë lëvizjet, të ndalojnë shkuarjen në bare dhe ristorante etj. Për më tepër shihni videon e publikuar nga vetë Presidenti amerikan Donald Trump.
Kush kishte dyshim per masat e marra nga @ediramaal dhe kish nevoje per konfirmim, ja ku e ka! 🇦🇱🚨🇺🇸 https://t.co/sn82xCvvEZ
— Erion Veliaj 🚴♂️🌳⚽️🇦🇱 (@erionveliaj) March 18, 2020
