Kryetari i komisionit parlamentar të Ligjeve Ulsi Manja nëpërmjet disa pyetjeve retorike që ka shkruar për mbështetësit e tij në rrjetet sociale, tenton të thotë se PD dhe aleatët e saj janë jashtë parlamentit për shkak të krijimit të SPAK-ut dhe penalizimit nga drejtësia, raporton newsbomb.al.
Ulsi Manja, i PS, thotë se maxhoranca ka votuar në parlament çdo nismë që ka të bëjë me reformën në drejtësi që nga viti 2016, por një gjë e tillë nuk është bërë nga kundërshtarët politikë.
Shkruan Manja në Facebook:
“Kush ka më shumë frikë nga SPAKU, NE që për tre vjet rresht, nga 2016 e në vazhdim kemi votuar “pro” gjithçka ka të bëjë me zbatimin e reformës në Drejtësi apo ATA të arratisurit nga Parlamenti që me përjashtim të ndryshimeve kushtetuese nuk kanë votuar asgjë që ka të bëjë me reformën në Drejtësi, duke e kthyer sallën e Parlamentit në arenë vezësh, mielli, çizmesh e boje si e si për ta penguar atë.
Tani bëjëni vetë diferencën dhe dilni në përfundime se kush ka frikë nga drejtësia e re NE apo ATA të rrugës?”
E.Xh./
