Kevin Rugova dhe Aurora Oskian humbën jetën dje në një atentat mafioz në kryeqytet rreth orës 20:00 në zonën e lulishtes “1 Majit” në Tiranë.
I riu 22-vjeçar ishte pasagjer në makinën që drejtohej nga i plagosuri Elvis Gaçaj, i cili ishte dhe objektivi i atentatit me kallashnikov.
Rugova me origjinë nga Elbasani, por i lindur në Tiranë, ka humbur jetën gjatë një breshërie me armë bashkë me të renë Aurora Oskian.
Kjo e fundit gjendej në sediljen e parme të pasagjerit në makinën tip “BMW”, e cila u sulmua me armë zjarri.
Mësohet se Oskian kishte pak kohë që ishte kthyer nga Londra ku edhe jetonte. Asaj iu gjet edhe një biletë aeroplani për në Angli ku mendohet se do të kthehej së shpejti.
