Kush është Na Dong, tutorja kineze që shantazhonte dhe kërcënonte eskortat në Tiranë

Nga Edison Vatnikaj

Kjo që shikoni në këtë foto është Na Dong, shtetasja kineze, e cila është arrestuar në Rinas në tentativë për t’u larguar nga Shqipëria.

Ajo dyshohet se ishte tutore e disa vajza të tjera më origjinë nga Kina të cilët ishin punonjës seksi.

Sipas burimeve të “Ora News”, Na Dong kishte krijuar një rrjet të mirëfilltë prostitucioni me vajza nga Kina dhe Filipinet në vendin tona nëpërmjet faqes në internet “Escort Tirana”.

Burime për gazetarin Edison Vatnikaj bëjnë me dije se kur vajzat tentonin të largoheshin nga kjo punë ajo i kërcënonte me foto intime.

Madje, në një rast është zbuluar edhe një gjobëvënie prej 15 mijë eurosh, e cila është kryer nga ajo kundrejt një vajze e cila kishte kërkuar që të jepte dorëheqjen nga “karriera: e saj si punëtore seksi dhe të largohej nga vendin ynë.

JA ÇFARË THA POLICIA E TIRANËS PËR ARRESTIMIN NË RINAS

Vijon operacioni policor i koduar “Red Light 2”, i zhvilluar nga Seksioni për Hetimin e Trafiqeve të Paligjshme në DVP Tiranë dhe Komisariati i Policisë Rinas.

Arrestohet një 38-vjeçare, shtetase kineze, e implikuar në veprimtarinë kriminale të shfrytëzimit të prostitucionit.

Shërbimet e Seksionit për Hetimin e Trafiqeve të Paligjshme dhe ato të Komisariatit të Policisë Rinas, në zbatim të planit të masave të përbashkët për goditjen e krimeve kufitare, bazuar në informacionet e siguruara nga inteligjenca policore se në PKK Rinas, do të kalonte një shtetase në kërkim, për shfrytëzim prostitucioni, kanë vijuar operacionin policor të koduar “Red light 2”. 

Si rezultat i tij u ndalua shtetasja kineze N. D., 38 vjeçe, banuese në Tiranë, e shpallur në kërkim për veprat penale “Shfrytëzimi prostitucionit”, “Mbajtja e lokaleve për prostitucion”, “Shtrëngimi me anë të kanosjes ose dhunës për dhënien e pasurisë”, dhe “Dëmtime te tjera me dashje”, parashikuar nga nenet 114, 115, 109-b, 90 të Kodit Penal.

38-vjeçarja së bashku me shtetasen Y. Y., 52 vjeçe (arrestuar më parë gjatë operacionit), dyshohet se rekrutonin shtetase kineze dhe filipineze, të cilat më pas i shfrytëzonin për prostitucion.

Në momentin që vajzat e rekrutuara kërkonin të tërhiqeshin nga ky aktivitet kriminal, dy shtetaset e arrestuara, me anë të fotove të publikuara në faqen “Escort Tirana”, ushtronin dhunë ndaj tyre dhe presion ndaj familjarëve të vajzave të rekturuara. Materialet i kaluan Prokurorisë.