Ky është Valter Fierza, 33-vjeçari i cili u gjet i vrarë me armë zjarri mbrëmjen e kësaj të enjteje në Shkodër. Ngjarja e rëndë ndodhi rreth orës 21:48, në fshatin Hot i Ri.
I riu u gjet i vrarë jashtë makinës së tij nga familjarët, në afërsi të banesës. Sipas të dhënave të deritanishme, dyshimet janë se ngjarja e rëndë ka ndodhur si pasojë e një konflikti të çastit.
33-vjeçari dyshohet të jetë përfshirë në një konflikt në një lokal të fshatit, për shkaqe momentalisht të panjohura.
Identiteti i autorit të kësaj ngjarjeje nuk dihet ende. Në një njoftim paraprak për mediat, policia tha se po punon për kapjen e tij.
/a.r
