Kryeministri Edi Rama ishte i pranishëm sot në një takim elektoral me simpatizantë të PS-së në qytetin e Korçës, ku tha se Shqipërisë i duhen më shumë se sa broçkullat për tu zhvilluar.
“Kush do ta bëj sot Shqiprinë Luli, Petriti, Beni? Kush do ta çojë përpara Shqipërinë, keni që në 1991 që i dëgjoni janë po ata, ju thonë të njëjtat gjëra. Si ka mundësi që prej çerek shekulli ju përsëritën të njëjtën gjë dhe e lanë Shqipërinë në prag të humnerës, dhe vijnë vërdallë sikur papunësia e korrupsioni lindën 44 muaj më parë, vijnë vërdallë sikur janë shpëtimtar por janë po ata fytyra e plane që duan vetëm një gjë votën për t’ju bërë gropën” – tha Rama.
Ai foli edhe për reformën në drejtësi ku tha se partitë nuk e duan reformën në drejtësi sepse nuk i lejon të të fusin në universitete ata që i duan për votën, dhe se nuk ka të ardhme për partitë që duan ti marrin shqiptarët peng.
“Këta nuk e duan reformën se ja ka përplasur në fytyrë partive mundësin që të fusin në universitet ata që duan për vota, nuk ka të ardhme për partitë që duan të na marrin peng.
Pengjeve të tyre i them votoni PS-në, në 26 qershor Shqipria do jetë e shqiptarëve jo e pushtetarëve.
Na ka rënë numri dy është numri ynë është simboli i Shqipërisë Europiane është edhe simboli i demokratëve, demokratët po votuan numrin 6 nuk do marrin asgjë, po votuan 2 do fitojnë betejën e madhe për Shqipërinë që duam” – tha Rama.
