Kryeministri i Kosovës, Albin Kurti, ka folur sot në Kuvendin e Shqipërisë, gjatë takimit të përbashkët mes dy vendeve.
Ai uroi shqiptarët për 110-vjetorin e Pavarësisë teksa shtoi se në këtë ditë të gjithë duhet të pyesin veten nëse e kanë bërë detyrën ndaj atdheut.
Kurti tha se të dy vendet duhet të përfshihen sa më shumë në çështjet e njëri-tjetrit jo për të penguar, por për të ndihmuar.
“Na duhet të jemi më pranë njëri-tjetrit, jo vetëm në ditë kremtimesh, por çdo ditë. Jo vetëm politikanët” – tha Albin Kurti teksa solli në vëmendje qëndrimet e Luigj Gurakuqit dhe Ukshin Hotit.
“Jam i sigurt se ashtu siç gëzohet Shqipëria për Kosovën, ashtu gëzohemi edhe ne për suksesin tuaj. Nuk duhet ta ndalim përpjekjen për të punuar” – tha Kurti.
Ai pati një mesazh edhe për të rinjtë që largohen nga vendi.
“E di që nuk kemi bërë mjaftueshëm që ta shihini atdheun për të rritur fëmijët tuaj. Puna është fjala jonë. Nderi dhe besa janë cilësitë tona. Ne do t’i tregojmë botës se ashtu siç po nxjerrim këngëtarë, shkencëtare e sportisë. Po ashtu do të jemi në shqiptarët për ta bërë demokracin” – tha Kurti.
/a.r
