Kryeministri i Kosovës, Albin Kurti ka rënë pre e dy komedianëve rusë të njohur si Vovan dhe Lexus, duke menduar se po komunikonte në telefon me presidentin e Letonisë.
Kjo nxiti reagime të shumta në Kosovë, ndërkohë që Qeveria e cilësoi si “incident fatkeq”.
Kryetari i Lidhjes Demokratike të Kosovës, Lumir Abdixhiku, reagoi me një video, teksa duke e dëgjuar tund dhe I bie kokës.
Ndërkaq, sekretarja e Përgjithshme e PDK-së, Vlora Çitaku, ka thënë se rënia në grackë nuk është “pjesa më e turpshme”, por se “e turpshme dhe skandaloze” është përmbajtja e asaj bisede, duke theksuar pjesën ku Kurti flet për opozitën, mediat, bizneset e administratën e re amerikane.
“E gjithë biseda nxjerr në pah një nivel shqetësues sipërfaqësor dhe të paditur në trajtimin e çështjeve të politikës së jashtme”, ka thënë ndër të tjera Çitaku.
“Mendoja që diplomacia e Kurtit është inekzistente. Paskam qenë gabim! Qenka e neveritshme!”, Kështu u shpreh Doarsa Kica-Xhelli, deputetja e Lidhjes Demokratike të Kosovës, referuar mashtrimit që iu be kreut te qeverise se Kosovës.
Përveç reagimeve të shumta në Kosovë, lajmi mori dhenë. Për grackën ndaj Kurtit kanë shkruar edhe media të njohura ndërkombëtare.
Media nderkomebtare “AssociatedPress”, duke cituar zyrën e kryeministrit, transmeton justifikimin e kabinetit të kreut te qeverisë që “Kurti ka pasur shumë telefonata në rastin e fitores së zgjedhjeve të 9 shkurtit, sa kanë pasur të pamundur të verifikojnë në detaje çdo telefonatë”.
AP, tregon edhe për përmbajtjen e bisedës, duke thënë se është folur edhe për Serbinë e Rusinë.
Edhe “WashingtonPost” ka raportuar për kurthin në të cilën ra kryeministri Albin Kurti.
Po ashtu, përmendet edhe fakti që akoma nuk janë certifikuar rezultatet zgjedhore, e që presidentja e Kosovës do t’i kërkojë Kurtit të fillojë përpjekjen për formimin e Qeverisë.
Nuk kanë munguar as reagimet nga gazetarët në Kosovë. Më të forta ishin reagimet e gazetarit Lirim Mehmetaj, i cili ka kritikuar jo vetëm permbajtjen e bisedës, por dhe menyrën e kanalit te komunikimit me presidentin e pretenduar të Lletonisë.
