Kreu i LDK-së, Isa Mustafa, së bashku me Vjosa Osmanin i janë drejtuar pasditen e sotme godinës së Kuvendit të Kosovës ky janë takuar me liderin e Vetëvendosjes, Albin Kurtin.
Dy krerët e partive që morën më së shumti përkrahje qytetare në zgjedhjet e fundit në Kosovë, synojnë arritjen e një marrëveshje që do të rezultonte me krijimin e një koalicioni që do të drejtonte qeverinë e re të Kosovës.
Kurti dhe Mustafa janë takuar edhe dje, ku bashkë kanë biseduar për më shumë se tre orë, por pa arritur në një marrëveshje përfundimtare.
Nuk dihet nëse takimi i sotëm do të përfundojë me një marrëveshje konkrete. /e.s/
