Partia Demokratike ka dërguar në Kolegjin Zgjedhor çështjen e çregjistrimit të Ilir Pjetrajt si kandidat për bashkinë Kurbin.
Vendimi u mor nga Komizioni Qendror i Zgjedhjeve pasi Pjetraj zëvendësoi Altin Bibën të dorëhequr vullnetarisht nga gara.
Ilir Pjetraj është vëllai i deputetit Mhill Fufi dhe aktualisht mban postin e kreut të bashkisë së Mamurrasit.
KQZ nuk pranoi regjistrimin e Pjetrajt pasi afatet ligjore për regjistrimin e kandidatëve kishin kaluar. Fill pas mbledhjes, përfaqësuesi i PD në KQZ, Njazi Kosovrasti, deklaroi se tashmë gara e Kurbinit ka vetëm një kandidat, atë të së majtës.|
Në rast se Kolegji Zgjedhor hedh poshtë kërkesën e PD, fati i zgjedhjeve në Kurbin nuk dihet ende sesi do të shkojë, pasi është hera e parë që në zgjedhje garon një kandidat i vetëm.
