Nga Greqia kryeministri Edi Rama ka folur për integrimin e Shqipërisë në BE. Sipas tij, integrimi është e vetmja rrugë, por ka diçka që ai e quan mallkim.
Në tryezën me temë, “Ballkani Perëndimor përtej 2020-s”, Rama tha se kur Shqipëria nuk ishte në formë të mirë ata nuk uleshin në tryezë, tani që jemi në formë të mirë ne janë ata në formë të keq.
“Mendoj që Shqipëria dhe të gjitha vendet e rajonit të Ballkanit Perëndimor janë në një moment të rëndësishëm historik, mes një të shkuare që duan ta lënë pas krahëve dhe një të ardhme që nuk ka ardhur. Pra për të qenë tërësisht të integruar në BE. Kjo është diçka e dukshme dhe duket sikur ka një lloj mallkimi, se kur ne ishim në formë jo të mirë ata nuk uleshin në tryezë, tani që jemi në formë të mirë ne janë ata në formë të keq. Por ne nuk kemi alternativë tjetër, e vetmja është të jemi pjesë e BE. Jo sepse na e kërkojnë miqtë më të fuqishëm, por sepse kjo është një kërkesë e fëmijëve tanë, e brezit të ardhshëm, është ëndrra e përhershme e etërve tanë”, u shpreh Rama.
Gjatë fjalës së tij, kreu i qeverisë theksoi se në Ballkanin Perëndimor që prej kohësh jemi në një paqtim dhe mendoj që edhe pse ka çëhstje të tilla si çështja e Kosovës mosnjohja nga Serbia ne kemi qenë në gjendje që të ulemi dhe të diskutojmë të ardhmen tonë bashkë.
“Këto janë kohë të veçanta pasi jemi goditur të gjithë nga kjo pandemi dhe sipas parashikimeve të organizatave ndërkombëtare rajoni nuk do të jetë ai më i godituri fort por besoj se ka potencial për të çliruar dhe për të mbyllur hendeqet e së shkuarës. Mendoj se lajmi i mirë është se mosmarrëvehsjet mund të zgjidhen sëbashku dhe dialogu ështëi vetmi instrument”, është shprehur Rama.
g.kosovari
