Prej kur është ngritur Komisioni i Hetimit të zgjedhjeve të 25 prillit, pamjet që jepen janë kryesisht monologje të kreut të saj Enkelejd Alibeaj, apo edhe përplasje për procedurë mes deputetëve të PS-së dhe PD për vijimin e punës.
Deri tani, po tentohet nga PD, që komisioni hetimor të mos jetë një punë e qetë për të evidentuar problemet me anë të hetimit, por si një gjyq ku ata duan të marrin “të pandehur” qeverinë dhe mazhorancës.
Ndërkaq, anëtarët e Partisë Socialiste në Komisionin Hetimor, kanë hartuar dy kërkesa zyrtare për informacion në lidhje me “paramilitarët e 25 prillit” apo ato që quhen si “struktura për mbrojtjen e votës”.
Ngjarja më e rëndë e shkaktuar nga kjo strukturë është vrasja në Elbasan, 2 ditë para zgjedhjeve, e Pjerin Xhuvanit, e cila është ende në hetim.
Anëtarët e Komisionit i kanë kërkuar zyrtarisht Drejtorit të Përgjithshëm të Policisë së Shtetit, një kërkesë për informacion për krimet zgjedhore gjatë fushatës, si dhe për rastin e ngjarjes së Embasanit, apo edhe për të tjera të kryer nga Strukturat e Mbrojtjes së Votës.
Janë 10 kërkesa drejtuar Drejtorit të Policisë së Shtetit, Gledis Nanos, dhe 15 pika drejtuar kryetarit të Partisë Demokratike, Lulzim Basha.
Kërkesat për Lulzim Bashën
1.Kur është themeluar Struktura e Mbrojtjes së Votës?
2.Me çfarë aktesh juridike është themeluar Struktura e Mbrojtjes së Votës?
3.Si është e organizuar Struktura e Mbrojtjes së Votës, nisur nga Kryesia e Partisë e deri në njësinë themelore në bazën e saj?
4.Cilët kane qenë drejtuesit e Strukturës së Mbrojtjes së Votës për çdo qark?
5.Cilët kanë qenë anëtarët e Strukturës së Mbrojtjes së Votës për çdo qark?
6.Sa ka qenë numri i përgjithshëm i anëtarëve të Strukturës së Mbrojtjes së Votës?
7.Cilat kritere janë përdorur për rekrutimin e tyre?
8.Si është normuar veprimtaria e anëtarësisë në këtë Strukturë?
9.Si është e financuar Struktura e Mbrojtjes së Votës?
10.A është analizuar në strukturat e Partisë veprimtaria e Stukturës së Mbrojtjes së Votës?
11.A janë analizuar incidentet ku është përfshirë kjo Strukturë?
12.A ka patur konstatime për shkelje të ligjit nga anëtarë të Strukturës?
13.A ka pas përpjekje nga drejtuesit e Partisë dhe të Strukturës për shmangien apo korrigjimin e veprimeve të kundraligjshme?
14.A vazhdon të jetë e ngritur Struktura per Mbrojtjen e Votes?
15.Nëse JO, a ka skema të gatshme që parashikojnë rithirrjen e kësaj Strukture?
Kërkesat për Gledis Nanon
1.Sa është numri i ngjarjeve që lidhen me krimet zgjedhore të rregjistruaran ga Policia e Shtetit?
2.Sa prej këtyre ngjarjeve janë konstatuar kryesisht nga strukturat e Policisë së Shtetit dhe për sa prej tyre ka patur kallëzim nga shtetasit?
3,Nësa prej këtyre ngjarjeve rezulton e përshirë Struktura e Mbrojtjes së Votës (S.M.V)?
4.Në cilat qarqe kanë ndodhur ngjarjet në fjalë?
5.Cilat prej ngjarjeve që lidhen me krimet zgjedhore apo të tjera, janë kallëzuar nga Struktura e Mbrojtjes së Votës apo nga shtetas të cilët kanë qënë të lidhur me këtë strukturë?
6.A ka patur ndonjë bashkëpunim të Struktura e Mbrojtjes së Votës me Policinë e Shtetit?
7.A ka patur ndonjë bashkëpunim të Partisë Demokratiketë Shqipërisë (P.D.SH) me Policinë e Shtetit? Nëse po, cilët kanë qënë personat e kontaktit nga ana e PDSH?
8.A ka patur ngjarje për të cilat, pas kallëzimit në polici, është vendosur të mos hetohen më tej sipas parashikimeve ligjore? Nëse po, në sa nga këto ngjarje ka rezultuar e përfshirë S.M.V?
9.Gjatë hetimeve që ka kryer Policia e Shtetit, ka rezultuar se përsonat e përfshirë në ngjarje kanë qenë të armatosur? Nëse po, në sa nga këto ngjarje ka rezultuar e përfshirë S.M.Vdhe si është përfshirë kjo e fundit?
10.Përshkruani në mënyrë të detajuar të gjitha ngjarjet qëlidhen me krimin zgjedhor dhe të cilat ka patur hetime nga Policia e Shtetit, pavarësisht nëse ngjarja është referuar apo jo në Prokurori për procedimin e mëtejshëm dhe pavarësisht nëse S.M.V rezulton apo jo e përfshirë.
TemA
