Vuçiç pret “para amerikane”: Uruam fitoren e Trump
Presidenti i Serbisë, Aleksandër Vuçiç, u shpreh tepër i gëzuar për fitoren e republikanit Donald Trump të zgjedhjeve presidenciale në Shtetet e Bashkuara të Amerikës.
Ai pretendoi se ka qenë ndër të parët që ka uruar presidentin e zgjedhur, duke u mburrur për këtë. “Kam biseduar edhe me njerëz nga mjedisi i tij më i afërt. Ka disponime të ndryshme në vende të ndryshme. Në Europë shpresonin më së shumti në fitoren e Kamala Harris, kurse në Serbi të gjithë shpresonin në fitoren e Donald Trump, për shkak të ngjarjeve të vitit 1999. Shumë njerëz thanë se ai ishte djalli, dhe tani do t’u duket si engjëll, kështu që do t’i nxjerrin krahët”, nënvizoi Vuçiç.
Më tej shtoi se kjo është një situatë që favorizon Serbinë dhe pret që zëri i tij të dëgjohet më shumë në Uashington. “Është e rëndësishme për mua që ai është biznesmen dhe besoj se marrëdhëniet tona do të jenë edhe më të mira”, u shpreh mes tjerash Vuçiç.
/a.r
