• Kontakt
  • Kreu
  • Rreth Nesh
Sunday, November 8, 2026
  • Login
Javanews
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
No Result
View All Result
Javanews
Home Kryesoret

Kur erdhi lufta, të gjithë flinin

by Frrok Çupi
17/04/2024 10:33
Shperndaj ne FacebookShperndaj ne Twitter

Nga Frrok Çupi

Lufta pritej. Irani i ishte hakërryer Izraelit, dhe me këtë rast botës Perëndimore, se ‘do të hakmerrej’. Sulmi nisi natën mes datës 13 dhe 14 prill, e zgjedhur qëllimisht si një datë me numër djalli.

Mbi qiellin e Izraelit u sulën qindra dronë nga Irani dhe shtete të tjerë arabikë, nga mjete lundruese dhe raketa balistike. Për shkak të ‘ Kupolës së Hekurt” (Iron Dome) që aplikoi Izraeli dhe fuqitë aleate, vetëm një numër prej 00.01 për qind e dronëve mundën të arrijë në tokën izrealite.

Megjithatë lufta ishte luftë. Për disa vëzhgues të paanshëm ishte një ‘spektakël’ qiellor dritash dhe kacafytjesh, ndërsa për gjithë shumicën tjetër ishte një sinjal i fortë për më tej.  Bota u përfshi prapë në një rrezik të ri.

Kjo ishte nata, që në historinë e rreziqeve, mund të hyjë si “nata 13-14’. Për pesë orë përleshje, ajo natë u arkivua dhe shkoi te të tjerat.

Nuk dija si do ta regjistronte media jonë, shqipe, atë natë. Nuk dija derisa hapa ekranet e televizioneve, Web-et, portalet, gazetat, madje edhe disa ‘skifterë’  privatë të internetit që përgjojnë gjithë natën çfarë të kapin nga lapsuset, nga shakatë pa kripë dhe humori vulgar. Por as ata nuk kishin kapur asnjë dronë, asnjë raketë, asgjë të këtij lloji- natyrisht.

Mediat shqiptare atë natë fjetën gjumë. E nesërmja, 14, ishte e diele dhe të gjithë do të zgjoheshin pas orës 12.00. Vetëm në televizionin ‘abc neës’ (TV ende underconstruction), kishin ardhur e përhapur lajmet nga lufta, që nga droni i parë dhe po vazhdonte me pamje e komente në mëngjes. Më erdhi si ‘për dore’ t’i shkruaj drejtorit të Televizionit se ‘ na e solle gazetarinë që punon edhe natën’.

Por kjo ishte vetëm pjesa miqësore.

Pyetja që më gërryen nga brenda, edhe për shkak të profesionit tim aq të dashur, është se ‘ pse vallë gazetaria nuk zgjohet nga lufta”?.

Për mua, kjo nuk është vetëm çështje e gjumit. Madje as që mund të jetë vetëm punë gjumi.

Por ndërkohë kam një shpjegim pse ‘natën e luftës mediat i zë gjumi”, ndërsa gjithë kohën tjetër janë zgjuar. Gazetarët janë të gatshëm, natyrisht, të zgjohen sa herë ua kërkon udhëheqësi i punës së tyre. Por tjetër është gazetari, e tjetër media. Fatkeqësisht, media tashmë është e planifikuar; ndërsa lufta nuk planifikohet nga këtu. Lufta kësaj here ishte e paralajmëruar, aq sa edhe vetë presidenti i SHBA la pushimin e të shtunës dhe u kthye në zyrë ‘ për luftën’, dhe këtë e njoftoi botërisht.

Nëse disa gazetarë, mbase privatisht, këtë lajm e kanë marrë dhe e ndjekin ‘për qejfin e tyre’, udhëheqësi i medias nuk e ka këtë interes.

Ja kjo është një nga arsyet pse atë natë lufte, media flinte.

Po pse nuk është lufta një interes?

Kur them ‘lufta”, dua të them për gjithçka që është  serioze, madhore, reale, ndikuese në jetën e kombeve, edhe për kombin tonë- sigurisht. Vendi ynë ndodhet shumë pranë këtyre zonave të konfliktit dhe ne jemi ndikuar e ndikohemi direkt prej zhvillimeve. Vendi ynë është besuar edhe si një pikë mbështetjeje e Perëndimit (SHBA-BE) për sigurinë në rajon; dmth., siguri në rajonin e rrezikut të luftës.

Ngjarjet e mëdha dhe me peshë për vendin tonë tanimë janë të qarta, madje janë instaluar për herë të parë në histori. Se, kush e merrte në konsideratë një shtet me ‘ qeveri gangsterësh’ siç thoshte Parlamenti Anglez në vitin 1996; Shqipëria kishte një qeveri, si Irani sot, nga e cila duhej të ruhej Perëndimi e jo të mbrohej Perëndimi prej saj.

Jo vetëm lufta e mesnatës 13-14 prill, por gjithë zhvillimet tona të rëndësishme për kombin, në media marrin vetëm hapësirën ‘ pas gjumit’?

Nuk është aq shumë e vërtetë se qenka e vështirë të shkruhet për ngjarjet e mëdha dhe sidomos për zhvillimet pozitive të vendit. Si për ‘ luftën’ për shembull, që për fat kaloi natën kur flinin.

Jo, por ka dy  arsye të tjera:

E para se ‘ lufta’ është e vërtetë. E vërteta, edhe kur është lufta, nuk u intereson, përgjithësisht, mediave. Sepse si kjo luftë, u zhvillua në qiell ku e shikojnë të gjithë; nuk mund të manipulohet. Media dhe lajmi i manipuluar, po shkaktojnë konflikte dhe mizerje kudo. Bota po rrezikohet nga lajmi i manipuluar dhe deziformacioni.

Atëherë media nuk ka asnjë interes që të merret me realitetin e dukshëm.

E dyta, se media i planifikon ngjarjet; atëherë planifikon edhe se kur fle e kur rri zgjuar. Lajmi i stisur, domethënë i gatuar me duar vetë, janë lajmet që e nxijnë realitetin e vendit, janë shpifjet, janë sulmet e planifikuara mbi individë dhe mbi institucione. Por një media që planifikon, dmth., fabrikon ngjarjet, kjo nuk mund të sjellë para syve një realitet, qoftë edhe luftën.

Next Post
Vrasja e Briken Sanajt te ‘Kodra e Diellit’, arrestohet në Gjermani Vladimir Kola

Vrasja e Briken Sanajt te 'Kodra e Diellit', arrestohet në Gjermani Vladimir Kola

Comments 2

  1. PRoShi says:
    3 years ago

    Bravo Frrok , gjithnjë i vëmendshëm dhe korrekt.

    Reply
  2. L.Xh says:
    3 years ago

    Hajde furçe që po i bo Frroki, Kol Ballës…. e për më tepër, nga PRoShi sqimëtar, i vëmëndshëm dhe me peshore në të gjithë kahjet e kësajë toke.

    Reply

Leave a Reply Cancel reply

Your email address will not be published. Required fields are marked *

TË FUNDIT

Drejtuesit politik të PS, Andoni: PD në Fier e ka të vështirë! Me kandidimin jashtë liste, Rama i dha një mësim opozitës

Etnografia absurde e komunikimit Rama-Berisha?!

November 7, 2026
Sherr mes dy grupeve në Vlorë, policia qëllon me armë në ajër për të ndaluar një prej tyre! Shoqërohen të gjithë në Komisariat, s’ka të lënduar

Sherr mes dy grupeve në Vlorë, policia qëllon me armë në ajër për të ndaluar një prej tyre! Shoqërohen të gjithë në Komisariat, s’ka të lënduar

November 7, 2026
Një skandal dhe kapërcim shumë i madh ligjor, etik dhe deantologjik nga prokurorët Dado dhe Dumani

Pa popull me vete dhe shih si zihen…

November 7, 2026
“Të bashkohemi pavarësisht kundërshtive”- Berisha thirrje partive opozitare: E keqja e ka emrin Rama! Studentët dhe qytetarët…

“Të bashkohemi pavarësisht kundërshtive”- Berisha thirrje partive opozitare: E keqja e ka emrin Rama! Studentët dhe qytetarët…

November 7, 2026
“Pesë persona në spital, u tremba se…”- Zjarri në Lezhë, administratori i pallatit: Flakët nisën nga kati i parë, zjarrfikësit erdhën në kohë!

“Pesë persona në spital, u tremba se…”- Zjarri në Lezhë, administratori i pallatit: Flakët nisën nga kati i parë, zjarrfikësit erdhën në kohë!

November 7, 2026
“Nuk ka krim më të shëmtuar, e la vendin pa opozitë”- Avokati Beqiri: Berisha po saboton hyrjen e Shqipërisë në BE!

“Nuk ka krim më të shëmtuar, e la vendin pa opozitë”- Avokati Beqiri: Berisha po saboton hyrjen e Shqipërisë në BE!

November 7, 2026
Superliga/ Tirana fitore në “frymën e fundit” ndaj Teutës!

Superliga/ Tirana fitore në “frymën e fundit” ndaj Teutës!

November 7, 2026
“PD është kthyer në sekt berishian”- Meçe: Nuk mbledh dot as 500 vetë për të protestuar! Agjentura ruse pas dhunës në shesh

“PD është kthyer në sekt berishian”- Meçe: Nuk mbledh dot as 500 vetë për të protestuar! Agjentura ruse pas dhunës në shesh

November 7, 2026
“Islami radikal po copëton Evropën”- Netanyahu sulmon partitë arabe: Një qeveri e varur nga mbështetësit e terrorizmit do shkatërrojë Izraelin

“Islami radikal po copëton Evropën”- Netanyahu sulmon partitë arabe: Një qeveri e varur nga mbështetësit e terrorizmit do shkatërrojë Izraelin

November 7, 2026
“Mbetet krenari”- U la jashtë listës së Kombëtares, reagon Anis Mehmeti: Dua të sqaroj disa gjëra të pavërteta!

“Mbetet krenari”- U la jashtë listës së Kombëtares, reagon Anis Mehmeti: Dua të sqaroj disa gjëra të pavërteta!

November 7, 2026
  • Adresa: Rruga “Mihal Popi”, Pallatet 1 Maji, Shkalla 26, Apartamenti 5, Tiranë
  • Email: javanews.al@gmail.com
  • Kontakt
  • Kreu
  • Rreth Nesh

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In