Presidenti Ilir Meta shpall “non grata” ambasadorin e OSBE ne Tirane Bernd Borchadt.
Kreu i Shtetit, ne dokumentin qe zoteroin Vizion Plus, thotë se drejtuesi i zyres se OSBE ne Shqiperi, nuk eshte me i mirepritur ne Presidence per dy arsye.
E para, sipas Metes, sepse Borchardt vuri ne diskutim Dekretin e Presidentit per zgjedhjet vendore ne Shqiperi ne qershor 2019. Dhe e dyta, sepse ai shton Meta, i tregoi publikisht gishtin qytetareve shqiptare.
Me poshte dokumenti i Presidentit Meta, siguruar nga Vizion Plus, dhe qe i drejtohet Zyres se Asamblese Parlamentare te OSBE ne Kopenhagen, Zyres se Presences se OSBE ne Tirane dhe Drejtorise se Protokollit te Shtetit te MEPJ ne Tirane.
LETRA E PLOTË
“Institucioni i Presidentit të Republikës së Shqipërisë i paraqet komplimentat Zyrës së Asamblesë Parlamentare të OSBE-së në Kopenghagë, Zyrës së Prezencës së OSBE-së në Tiranë dhe Drejtorisë së Protokollit të Shtetit MEPJ në Tiranë dhe u bën me dije se:
Z. Bernd Bochardt, i cili vuri në diskutim Dekretin e Presidentit të Republikës së Shqipërisë, Ilir Meta për zgjedhjet vendore në Shqipëri të muajit qershor 2019 dhe që publikisht i tregoi gishtin qytetarëve shqiptarë nuk është më i mirëpritur në Institucionin e Presidentit të Republikës.
Institucioni i Presidentit të Republikës së Shqipërisë përfiton nga rasti për t’i shprehur Zyrës së Asamblesë Parlamentare të OSBE-së në Kopenhagë, Zyrës së Prezencës së OSBE-së në Tiranë dhe Drejtorisë së Protokollit të Shtetit të MEPJ në Tiranë dhe vlerësimet e konsideratës më të lartë’, shkuhet në shkresën që presidenca i dërgon Zyrës së OSBE-së.
g.kosovari
