Në përballjen me të atin në “Shihemi në Gjyq”, Tikja ngriti akuza të rënda për nusen e vëllait të saj, Klodianën. Ajo pretendon se është e pandershme, se ka 17 vite që nuk jeton me vëllanë e saj, Andin, se ka marrëdhënie jashtëmartesore.
Në pjesën e dytë të rubrikës të së “Dielës Shqiptare” në Tv Klan, Andi u lidh përmes një telefonate për të sqaruar konfliktin për apartamentin dhe u pyet nga Eni Çobani për raportin e tij me Klodianën. Ai tha se jetojnë bashkë dhe në atë moment ajo gjendej pranë tij duke i kaluar më pas celularin.
Në bisedën me ndërmjetësen, ku pati edhe ndërhyrje të forta nga Guri e Tikja që ofendonin Klodianën, kjo e fundit tha se vjehrri ka kërkuar që ajo dhe i shoqi të jetonin veçmas. Më pas, ajo ngre një akuzë të fortë që Guriu e ka dhunuar kur ishte shtatzënë.
Klodiana: Kam qenë shtatzënë me gocën e vogël, unë i kam me deklarata në polici që mua më ka nxjerrë nga shtëpia!
Eni Çobani: Të ka nxjerrë? Pse?
Klodiana: Më ka rrahur! Mua vjehrri më ka rrahur, dil nga shtëpitë e mia se e panë që ne po e ndërtonim jetën shumë mirë!
Klodiana: Se çoje dashnorët! Maskareshë!
Klodiana: E mbante burri im! Unë i kam me deklarata në polici! Kam dy fëmijë!
Klodiana thotë se dëbimi nga shtëpia është arsyeja që ajo nuk jeton me ta. Ajo qartëson sërish se jeton me të shoqin e vajzat dhe janë ata që duan të marrin apartamentin.
Klodiana: Kam qenë shtatzënë, 6-muajshe, e kam me deklaratë. Jo një herë, kam ikur 10 herë nga shtëpia se më ka përzënë vjehrri! Ai pi, nuk di çfarë bën!
Eni Çobani: Kemi apartamentin, problemi është i apartamentit. Apartamentin pse ia ke marrë Gurit?
Klodiana: Prandaj unë nuk jetoj në ato shtëpi sepse ai më ka nxjerrë nga shtëpia!
Eni Çobani: Me burrin vazhdon, je në rregull me burrin?
Klodiana: Unë jam shumë në rregull me burrin, kam dy vajza, jam shumë e lumtur.
Eni Çobani: Pse ia keni marrë shtëpinë Gurit?
Klodiana: Ata duan t’ia marrin burrit tim!
