Partia Socialiste arriti të marrë 83 mandate në zgjedhjet e 11 majit, ndërsa PD vetëm 50, të shumtë ishin ata që fajësuan sistemin zgjedhor.
Por për ish-Kreun e KQZ, Kristaq Kume, sistemi zgjedhor ishte dhuratë që PD i bëri PS-së.
I ftuar në Quo vadis të moderatores Pranvera Borakaj në Vizion Plsu, Kume tha se Rama arriti ta përpunojë me zgjuarsi kodin zgjedhor, duke e shfrytëzuar fillimisht për të rinovuar partinë dhe më pas për të marrë sa më shumë vota, kurse PD iu tregua mendje ngushtë, menduan vetëm për mandatet personale.
Pjesë nga biseda:
Borakaj: Profesor është kjo formula më e keqe që kemi patur?
Kume: Nuk di të them më e keqe apo më e mirë. Por për mua më e çuditshme. Zgjdihje e cila është zor që për ata që e prodhuan këtë zgjidhje të na mbushin mendjen ne të tjerëve që është zgjidhja më e mirë për legjislacionin tonë. E kanë bërë vetëm në funksion të interesit të tyre, për të siguruar mandatin. Pastaj kanë ndarë kandidatët dhe ua kanë çuar qytetarëve, që këta janë të mirët dhe këta janë shumë të mirët, kurse këta të tjerët le të bëjnë ç’të duan me njëri-tjetrin. Siguruan mandatin, dhe i ke emrat e shkruar. Propozimin e parë për këtë gjë e ka bërë opozita. Ata që e ksihin shumë më tepër të vështirë për të arritur objektivin. E pëlqeu jashtëzakonisht shumë edhe mazhoranca.
Borakaj: Opozita nuk e dinte?
Kume: Opozita kur e propozoi këtë gjë nuk mendoi rezultatin që do të merrte, e bënë këtë gjë vetëm për interesat e tyre. Drejtuesve ju pëlqeu një gjë e tillë, pasi kandidatët që do të prodhonin më shumë vota, ose ata që do të kishin më afër vetes, drejtuesit ranë dakord. Kreu i mazhorancës e kuptoi që pse Damiani është dakord me këtë që propozi Oerdi, dhe pastaj atë që bëri ai ishte vetëm e tija. Futi në listën e mbyllur të rinjtë, dhe të tjetër i nxori në listë të hapur., Me një gur vrau dy zogj. Mblodhi vota prej tyre aq sa nuk i duheshin votat e diasporës. Ata e bënë që diaspora ju duhej për të mbushur boshllëkun. Rama i futi të vetët në lojë. Sëbashku me këtë bëri rinovimin, futi këta djemtë e rinj, natyrisht në pjesën e parë këta do jenë dakord me atë që ai ju dha këtë mundësi, pasi Rama i bëri deputet dhe do të thotë që tani bëjeni. Partitë e reja dështuan për mua në atë që do të bënin ndryshimin, por janë sot në Kuvend dhe mund të arrijë të ndërtojnë atë që do të ndodhë nesër. Jo vetëm puna brenda brenda Kuvendit, por shumë më tepër se kaq jashtë Kuvendit. Ne kemi nevojë të formojmë frymën te njerëzit që nesër do të prodhojnë qeveri.
