Ish-kryeministri Pandeli Majko ka kërkuar ndërhyrjen e ndërkombëtarëve për zbatimin e marrëveshjes së Ohrit referuar situatës që ka përfshirë Maqedoninë. Në një intervistë për A1 Report Majko e konsideron aksionin në Maqedoni si ushtarak, ndërsa shton se shteti maqedonas duhet të zbardhë ngjarjen pasi historia po shkruhet nga shërbimet inteligjente .
“Është një ngjarje e mbuluar me mjegullnajë dhe një aksion që titullin e ka policor, por në terma real ishte ushtarak. I takon Maqedonisë që të japë përgjigje të plota. Hyj te njerëzit që ndihem i dëshpëruar që historia e Maqedonisë po shkruhet nga shërbimet inteligjente dhe jo nga politikanët”, thekson Majko
