Kullat Binjake vrasin një dekadë më vonë Zonjën e Pluhurit
Ishte 42 vjeç vdiq nga kanceri. Marcy Borders, gruaja simbol e 11 shtatorit, humbi betejën me sëmundjen, pasi kishte dalë gjallë nga shembja e kullave binjake në 11 shtator 2001 në Nju Jork. Për shkak të një fotoje e cila e tregonte të mbuluar tërësisht me pluhurin e kullave të shembura, ajo mori epitetin “dust Lady”, Zonja e pluhurosur.
Borders pretendohet se vdiq për shkak të toksinave që mori atë ditë fatale. Kjo është hipoteza që hedh Nju Jork Post në botimin e saj të fundit, ku citon burime mjekësore që thonë se Borders pagoi me më shumë se një dekadë vonesë, pasojat e pluhurit të kullave që thithi atë ditë në mushkëri. Dy vjet më parë u largua nga jeta, gjithashtu për shkak të kancerit, edhe Donna Summer, këngëtarja e famshme e diskos së viteve 70-80, e cila gjithashtu banonte pranë Kullave Binjake dhe vdiqa nga kanceri në mushkëri. Summer pretendonte me këmbëngulje se sëmundjen e kishte marrë për shkak të ajrit të ndotur të zonës përreth Kullave.
