‘Kukulla’ Alketa Vejsiu
Prezantuesja shqiptare Alketa Vejsiu është bërë pjesë e nismës “Meng me”, që ka si synim shitjen e kukullave të personazheve të njohura, me qëllim që të ardhurat të shkojnë për bamirësi. Lajmi është bërë i ditur nga vetë Alketa e cila ka postuar në Facebook, kukullën në versionin e saj.
“Mirëmëngjesi. Më erdhi në zyrë një kukull me emrin Alketa. E kanë prodhuar në 3D në Hong Kong dhe tani është online për shitje për një nismë bamirësie www.meng-me.com/star. Falënderoj ata që e ideuan; është një dhuratë vërtet speciale. Të ardhurat nga shitja do të shkojnë për kauzën time : “Për fëmijët e jetimores dhe bebet e braktisura në maternitet” . Të bësh mirë për atë që është keq; është më e mira gjë që mund të bësh sipas mundësive të tua. E mira kthehet mbrapsht në një mirësi më të madhe… Gjithmonë”, shkruan prezantuesja.
Mes personazheve të përzgjedhur nga Shqipëria, për realizimin e këtij projekti, janë edhe dy moderatoret, Albana Osmani dhe Luana Vjollca si dhe Olti Curri. Kukullat janë në 3D dhe kapin shumën prej 35 eurosh.
