Reshjet e dëborës kanë përfshirë mëngjesin e sotëm gjithë territorin e qarkut të Kukësit. Trashësia e dëborës në Shishtavec arrin në 10 cm, në Valbonë 15 cm dhe në Qafë Prushi Has 10 cm.
Nga informacionet e marra nga terreni rezulton se rrugët nacionale janë të kalueshme normalisht.
Në Rrugën e Kombit janë vënë në lëvizje 37 mjete borëpastruese që punojnë në dy segmente Tuneli Kalimshit-Morinë dhe Tuneli i Kalimashit- Rrëshen.
Mjetet borëpastruese edhe në drejtim të Hasit, Pukës, Peshkopisë e Shishtavecit.
Rrugët rurale në administrim të bashkive janë të kalueshme, përveç rrugës që lid Arrën me rrugën nacionale.
Gjendja e rezervuareve është nën monitorim në të gjithë Qarkun. Furnizimi me ujë të pijshëm dhe energji elektrike vijon normalisht në shkallë qarku.
g.kosovari
