Janë publikuar pamjet e incidentit të ndodhur ditën e djeshme, ku është përfshirë deputeti i LDK-së, Armend Zemaj, në qendër të Prishtinës.
Siç shihet në videon e shpërndarë nga “Gazeta Blic”, Zemaj po jepte një intervistë televizive në sheshin “Ibrahim Rugova”, kur një qytetar që po kalonte aty pranë i ka drejtuar fjalë provokuese.
Deputeti shihet më pas duke reaguar me nervozizëm dhe duke u përplasur fizikisht me qytetarin, të cilin e godet disa herë, duke e shoqëruar reagimin edhe me ofendime verbale.
Të dyja palët janë shoqëruar nga policia për të dhënë sqarime pas këtij konflikti.
