Ditët e ardhshme të javës në vijim do të jenë të vështira pasi pritet që reshjet e dendura të shiut të prekin të gjithë vendin. Situata do të nisë të ndryshojë që ditën e nesërme ndërsa moti do të përkeqësohet dukshëm të martën.
Lajmin për të qenë më të kujdesshëm e kanë bërë të ditur edhe dy nga ministrisë e qeverisë, ajo e Bujqësisë dhe para pak momentesh edhe Ministria e Brendshme, e cila parajalmëron qytetarët që mund të ketë edhe rrëshqitje dherash.
Disa orë më parë Ministria e Bujqësisë përmes një njoftimi bënte me dije se në bazë të parashikimeve të meteorologëve, reshjet e nesërme do të jenë me intensitet të lartë, dhe do të ketë probleme në zona si Lezha e Shkodra. Nga ana tjetër, MB ka urdhëruar ngritjen e Shtabeve të Emergjencave në të gjithë vendin për shkak se duke filluar nga mesdita e 7 nëntorit pritet një përkeqësim i motit, me reshje të shumta që mund të shkaktojnë përmbytje.
Sipas parashikimeve të Instituteve Meteorologjike, pritet të ketë fryrje të lumenjve që rrezikojnë të dalin nga shtretërit e tyre. Ministria e Punëve të Brendshme ka urdhëruar Prefektët dhe përfaqësuesit e bashkive në të gjithë vendin që, përveç ngritjes së Shtabeve të Emergjencës, të vënë në gadishmëri të gjitha kapacitetet njerëzore e teknike-operacionale për të reaguar sipas situatës.– shkruhet në njoftimin e MB.
Njoftimi
Buletinet e instituteve të specializuara meteorologjikë njoftojnë se përkeqësimi i motit mund të shoqërohet fillimisht me reshje me intensitet mesatar, që do të vijnë duke u shtuar.
Përveç përmbytjeve, reshjet mund të shkaktojnë edhe rrëshqitje të tokës në zona të caktuara.
Situata pritet të përkeqësohet në datën 8 nëntor, sidomos në njësitë administrative të qarqeve Shkodër, Kukës, Dibër, Lezhë, Tiranë, Durrës, Elbasan, Fier, Vlorë dhe Gjirokastër.
Sipas parashikimeve të Instituteve Meteorologjike, pritet të ketë fryrje të lumenjve që rrezikojnë të dalin nga shtretërit e tyre.
Ministria e Punëve të Brendshme ka urdhëruar Prefektët dhe përfaqësuesit e bashkive në të gjithë vendin që, përveç ngritjes së Shtabeve të Emergjencës, të vënë në gatishmëri të gjitha kapacitetet njerëzore e teknike-operacionale për të reaguar sipas situatës.
MPB këshillon shtetasit në zonat që mund të preken nga përmbytjet, të minimizojnë lëvizjet e panevojshme dhe sidomos të fëmijëve të vegjël, të pa shoqëruar nga të rriturit.
MPB kërkon nga shtetasit që t`u binden lajmërimeve të strukturave të pushtetit vendor dhe të japin ndihmesën e tyre ndaj këtyre strukturave.
/java/a.k
