Ata nuk e besojnë ende se miqtë e tyre e ndalën frymën e fundit në atë aksident të tmerrshëm me makinë, në mes të natës në Romë.
Asnjë prej miqve nuk bëjnë paqe me faktin se shokët dhe shoqet e tyre nuk do t’i shohin më.
Pas lajmit per vdekjen dhe aksidentin që pushtoi mediat italiane, miqtë janë lëshuar me postime të shumta në rrjetet sociale, duke i kujtuar, ndarë dhimbjen dhe duke premtuar se ata do të jenë të paharruar, raportojnë mediat italiane.
Mes postimeve spikat mesazhi i shoqes së Xhesikës: “Ishe aq e bukur. Por unë gjithmonë do të mbaj mend disa vite më parë, Xhesika e vogël, me syze të trasha, flokët e çrregullt, e brishtë e ëmbël. Xhesika e vogël me ëndrra të mëdha, aq të mëdha sa sytë e tu me ngjyrë lajthi, Kudo që të jesh tani, qofsh e lumtur”- shkruan mikesha e saj.
Aksidenti ndodhi rreth orës të dielen 03:30 në afërsi të Romës, ku makina “Mini Cooper” doli nga rruga dhe u përplas me një mur.
Alarmi u dha nga disa shoferë, të cilët ishin dëshmitarë të aksidentit të tmerrshëm. “Mini Cooper-i” po udhëtonte për në Guidonia, kur u përplas me murin e një restoranti.
Xhesika Gjonaj, 19 vjeçe, Ambra Shaljani, 18 vjeç si dhe dy italianët, Federico B. dhe Riccardo M, ishin të rinjtë që mbetën të vdekur në vend./Panorama/b.d
