“Ku është kapiteni?!”, tifozët polakë të tërbuar me Levandovskin pas humbjes ndaj Shqipërisë

Humbja ndaj Shqipërisë, i ka kompromentuar ndjeshëm pozitat në kampin polak, teksa tifozët shohin Europianin gjithmonë e më shumë t’iu largohet.

Ndërkohë mbrëmjen e sotme, polakët e pranishëm në sektorin mik të “Air Albanias”, u panë të tërbuar në fundin e ndeshjes, me kapitenin e tyre, Robert Levandovski, i cili përveçse ishte inekzistente në fushën e lojës, as nuk shkoi t’i përshëndeste tifozët pavarësisht rezultatit, ndërkohë që polakët kërkuan shpjegime nga Levandovski.

Thirrja e përsëritur “ Ku është kapiteni ” u dëgjua gjatë transmetimit pas ndeshjes në stacionin polak TVP Sport. Levandovski luajti një ndeshje shumë të dobët. Ai praktikisht asnjëherë nuk e kërcënoi portën shqiptare.