Katër ditë pasi vendosi të kthejë në Kuvend, dekretin për buxhetin e vitit 2019, ka reaguar presidenti i Republikës, Ilir Meta.
Presidenti tha sot se kërkesat e studentëve janë legjitime dhe të drejta, dhe se Kuvendi i Shqipërisë duhet të reflektojë për të realizuar kërkesat e studentëve.
“Kërkesat e tyre të drejta dhe legjitime, zëri i tyre të dëgjohet. Kuvendi do të reflektojë për realizimin e kërkesave të studentëve. Pasuria më e madhe e vendit që duhet t’i kushtojmë vëmendje është rinia. Duhet të bëjmë ndryshim për investim tek të rinjtë.”- u shpreh Meta.
Presidenti Ilir Meta ktheu në Kuvend 4 ditë më parë, dekretin për Buxhetin e Shtetit për vitin 2019.
Arsyeja sipas Metës ishin kërkesat e studentëve të cilët kërkojnë rritje me 5% të GDP-së për Arsimin.
/a.rada
