Kryetari i PD, Lulzim Basha, gjatë një takimi me biznesmenë deklaroi se ky është shteti i leshit. Kjo për shkak, sipas tij, se s’ka lek.
“Cili është produkti nr. 1 është gjendja ekonomike. Halli kur pyet njerëzit ëeshtë se ata s’kanë lek. S’kanë para për ujë, drita, shkolla etj. si të majtë ashtu edhe të djathtë thonë se s’ka lek. Një pjesë lekësh mblidhen nëpërmjet taksave më të larta se 4 vite më parë. Ka rritur faturat e energjisë. Ka rritur taksën e karbureantit që prek këdo jo vetëm ata që kanë makina. Shteti i leshit. Sa herë thonë të bëjmë shtetin kujtoni se ky është shteti i leshit”, deklaroi Basha.
Sipas Bashës, Rama ndonse ka koalicionin me Metën nuk e dorëzon karrigen.
“LSI deklaroi se do të dorëzonte mandatet. Ne e përshëndetëm nëse e kishte sinqerisht. Por sot situata është tjetër. Pse nuk e dorëzon karrigen? Edhe nëse e ka Metënm në koalicion sërish nuk e dorëzon karrigen. Këtë e bën sepse ka frikë nga vota e lirë e ndershme dhe gjykimi popullor. Zgjedhje me Edi Ramën kryeministër nuk ka për të pasur. PD nuk do të bëjë pazar politik në kurriz të vendimit tuaj popullor për zgjedhje të lira dhe të ndershme. Nuk është betejë për fatin tim politik apo të PD. Këtë duhet ta ketë parasysh çdo i huaj. Nuk duam pushtet në tavolinë. Do të ketë vetëm Republikë të Re. Për këtë duhen garantuar zgjedhje të lira. Në zgjedhje do të shkohet vetëm pasi të çmontohen shteti i kriminalizuar. Qeveri teknike, luftë kundër kanabisit dhe përgatitje për zgjedhjet. Nuk ka asnjë tërheqje”, ka deklaruar Basha, duke bërë të qartë se i mbyll derën çdo ndërkombëtari për zgjidhjen e krizës.
javanews.al/ma.me
