Ndonëse ka qenë ndër themeluesit e PD, sot ish-kryeministri Sali Berisha nuk renditet te më të votuarit e kësaj partie, madje atë e kanë lënë në hije edhe figura shumë të reja që po futen në politikë. Kryetari i “Grupimit ‘90”, Bislim Ahmetaj duke folur për votat preferenciale të kandidatëve dhe renditjen e ish-kryeministrit Sali Berisha te më pak të votuarit në PD, në emisionin Repolitix në Report Tv tha se ai është një personalitet me cilkël të mbyllur në politikë dhe se sipas tij duhet të mos kishte kandiduar por të ishte tërhequr që në 2013.
“Berisha është një personalitet me cikël të mbyllur. Berisha duhet të kishtë ikur me koje qe ne 2013. Po të ishte tërhequr nga politika do mbetej një njeri i paçmuar. Ai do ishte duke dhënë leskione si është zhvilluar demokracia në Shqipëri dhe jo të ishte në politikë. Nuk duhet të ishte fare kandidat”, tha Ahmetaj.
Në PD lista kryesohet nga kryetari Lulzim Basha, ndjekur nga Agron Shehaj dhe kreu FRPD-së Belind Këlliçi, ndërsa Berisha i cili është një nga figurat më të vjetra në politikë dhe themelues i kësaj partie është ndër më pak të votuarit me 6616 vota.
Largimi i Topallit nga Lëvizjapër Ndryshim pasi dështoi në zgjedhje duke mos marrë asnjë mandat sipas ish prokurorit Shkëlqim Hajdari është për tu përshëndetur. “Topalli është për tu përshëndet. Politika është moral. Është për tu falenderur”, tha ai. Ndërsa sipas Bislim Ahmetajt tërheqja e Topallit është një mesazh për Bashën që të largohet. “Tërheqja e Topallit është një ftesë për bashën për ti thënë mos e merr në qafë shqipërinë”, tha Bislim Ahmetaj.
g.kosovari
