Pas projektit të qeverisë për ndërtimin e një TEC-i në qytetin e Korçës, një investim që kap vlerë e 350 mln eurove, duket se ka hasur me kundërshtimin e kryetarit të Bashkisë Sotiraq Filo.
Kryebashkiaku i drejtohet me një letër zyrtare ministrit te Turizmit dhe Mjedisit, Blendi Klosi dhe ministres se Infrastrukturës dhe Energjitikes, Belinda Balluku për refuzimin e projektit në fjalë.
“Ju kërkoj mos aprovimin e këtij projekti, i cili në çdo rast nuk do të mund të realizohet dot në kundërshtim me vullnetin e Bashkisë së Korçës”, thuhet në letrën e Filos dërguar r ministrit Klosi dhe ministres Balluku.
Filo thekson se u kërkon refuzimin e kërkeses se kompanise GPP per ndertimin e nje TEC me gaz ne afersi te qytetit te Korçës.
Projekti, që u njoftua pak kohë më parë nga Ministria e Energjisë dhe Industrisë, ka marrë statusin e investitorit strategjik me kusht nga Komiteti i Investimeve Strategjike. Projekti parashikon realizimin në zonën e Korçës të një termocentrali me cikël të kombinuar me rendiment të shndërrimit të energjisë termike në energji elektrike me 60% ose 5990 kj/këh me kapacitet 480.9 MW.
Sipas projektit, synimi është që të zhvillohet në një sipërfaqe totale prej 909 182 metër në Korçë, Pojan, Kuç i Zi, Belorta, Dishnicë, Barç, Zëmblak, Malavec, Nevicisht për realizmin e termocentralit, lidhjes me TAP, lidhjes me sistemin e ujit, ndërtimin e shtyllave të linjës së transmetimit dhe ndërtimin e shtresës së nënstacionit Zëmblak.
Për TEC-in në fjalë ka patur një sërë protestash të banorëve të Korçës dhe fshatrave përreth qytetit.
