Kreu i Unionit të Gazetarëbve Shqiptarë (UGSH), Aleksandër Çipa në studion e Report Tv ka shpjeguar se pse unioni nuk ka mbajtur një qendrim për kryeredaktorin e RD, Bledi Kasmi i cili mbeti i plagosur në protestën e 26 majit teksa shtynte barrierën metalike drejt policisë te ministria e Brendshme.
Sipas Çipës, Kasmi është fiksuar nga kamerat duke u sjellë si militant dhe jo si gazetar profesionist.
“Në momentin e parë kur kemi marrë lajmin, pasi pamë fotografinë e gjakosur të kolegut të shtypit partiak, kam shprehur solidaritet dhe ndjenjën e keqardhjes për gjakosjen e tij, por nuk kemi dalë me një deklaratë zyrtare. Kjo pasi imazhet e përcjella lënë shumë mundësi për interpretim. Kërkojmë që në rastin konkret të ketë një deduksioin ligjor të pavarur nga institucionet për të provuar përgjegjësinë e personave që e kanë gjakuar.
E vetmja rezerva që mbajmë ne, duke parë që kolegu jonë i shtypit partiak ishte në ballë të protestës, ne mendojmë që gazetari nuk duhet të bjerë në raportin e militantit. Për këtë arsye mbajmë rezervën tonë.
Nuk kemi asnjë rezultat konkret nga organet kompetente që të dalë një konkluzion i prokurorisë. Nga imazhet që kemi parë, gazetari nuk mund të jetë pjesë e protestimit partiak, por është pasqyrues i asaj që ndodh dhe është në rastin e asnjëanësit, në rastin konkret nuk e shoh në këtë anë. E shoh duke shtyrë barrierën e hekurit.
Kjo është çështja, gazetari nuk duhet të jetë pjesë e aksioneve politike por duhet të jetë në pozicionin natyral të asnjëanësisë dhe jo të përfshihet në raportin mes palëve që kanë aksione politike dhe në anën tjetër që është në pozitën e vet ligjore për të mbrojtur institucionet, ka pohuar Çipa.
a.ç
