Goditet aktiviteti kriminal i një grupi shqiptarësh në Greqi. Mësohet se katër prej tyre kanë rënë në pranga, pasi akuzohen se kanë kryer 45 vjedhje në periudhën tetor-nëntor të 2021-it si edhe gjatë muajit korrik të 2022-it.
Mediat greke shkruajnë se pas muajsh hetimesh dhe kërkimesh efektivët arritën të identifikojnë dhe godasin bandën e hajdutëve shqiptarë të cilët kanë kryer 45 vjedhje në Janinë, kryesisht në banesa dhe magazina.
Vlera e sendeve të plaçkitura arrin në 30 mijë euro, sipas autoriteteve greke.
Gjatë hetimeve të kryera, efektivët e policisë gjetën 1560 euro, 8.000 lekë, një pushkë gjuetie dhe dy biçikleta, të cilat janë përdorur nga autorët për vjedhje.
Sipas hetimeve, shënjestër e shqiptarëve kanë qenë shtëpitë dhe magazinat.
/e.d
