Rreth 27 milion kanadezë do të votojnë sot për të zgjedhur një parlament të ri në vendin e dytë më të madh në botë për sa i përket hapësirës.
Gara është kryesisht mes liberalëve të kryeministrit në detyrë, Justin Trudeau dhe konservatorëve të udhëhequr nga Andrew Scheer.
Të dyja partitë shpresojnë të fitojnë të paktën 170 vende në parlament, në kryeqytetin Otava, gjë që do t’u siguronte atyre një shumicë absolute të 338 zonave elektorale të Kanadasë.
Liberalët dhe konservatorët kanë mundësi të barabarta për të fituar, por të dy kanë qenë nën nivelin e duhur për të arritur një shumicë absolute në parlament.
Nëse sondazhi rezulton në një qeveri në minorancë, Trudeau ose Scheer do të duhet të mbështeten nga partitë më të vogla, duke përfshirë partinë e re social-demokrate (NDP), të udhëhequr nga Jagmeet Singh, parti që kohët e fundit ka qenë në rritje.
Ashtu si të Gjelbrit, NDP, është politikisht më afër liberaleve. Partia rajonale e Kuebekut, Blloku Kuebek, mund të jetë gjithashtu vendimtare.
Rezultatet paraprake të zgjedhjeve priten të publikohen sot.
