Kryeministri Italian Mateo Renzi njihet për sinqeritetin, guximin, por edhe një fare arrogance, siç shkruajnë mediat ndërkombëtare. Kjo është vënë rënë edhe gjatë takimeve me udhëheqësit botërore. Si ai i janarit, me Presidentin e Parlamentit Europian, Martin Schulz në Strasburg. Jo vetëm që, Kryeministri italian mbërrin me vonesë, por shkëputet për një bisedë të shkurtër telefonike dhe në fund vendos të takojë disa italianë, për të bërë një selfie.
Një sjellje të ngjashme bëri edhe Silvio Berluskoni në samitin e Natos në Kel të Gjermanisë, kur për shkak të një telefonate la në pritje kancelaren Merkel.
Por Mateo Renzi po e tejkalon Berluskonin persa u përket gafave. Në fakt ai ka udhërrëfyes Toni Blerin, siç pati thënë në një intervistë për “The Guardian”.
Por, kur vjen puna të anglishtja…. nuk kanë qenë të pakta rastet kur mediat italiane e kanë shpotitur atë.
Gjatë takimit me Kryeministrin izraelit, Benjamin Netanjahu, të martën, ai Mikelanxhelon e bëri Majkelanxhelo, dhe Davidin e bëri Dejvid, duke u dhënë dy simboleve italiane një theks anglez.
