Kryeministri i Belgjikës, Charles Michel, ka mbërritur pasditen e sotme në vendin tonë për një vizitë zyrtare. Michel u prit në një ceremoni zyrtare nga kryeministri shqiptar Edi Rama
Dy kryeministrat mbajtën një konferencë të përbashkët.
Gjatë fjalës së tij, kryeministri Rama deklaroi se Shqipëria meriton çeljen e negociatave.
“Biseda u përqëndrua tek progresi i bërë në adresimin e e problemeve kryesore në rrugëtimin e Shqipërisë drejt BE. Me marrjen e këtij rekomandimi nis një faze e re për Shqipërinë. Vizita riafirmon miqësinë tonë me Belgjikën. Shqipëria meriton një vendim për hapjen e negociatave dhe ky është fillimi i një faze të re në përpjekjet tona, ku kemi edhe mbështetjen e Belgjikës dhe të partnerëve tanë. Diskutuam edhe për Rajonin, bashkëpununimin dhe forcimin e marrëdhënieve rajonale. Rajoni ka hyrë në një rrugë të re. Shpresoj që radhën tjetër të bësh një vizitë më të gjatë, sepse Shqipëria ka shumë gjëra për të treguar”, tha Rama.
Kryeministri belg vlerësoi reformat e qeverisë shqiptare. Ai kërkoi partneritet në fushën e emigracionit. “Belgjika do shprehet në qershor, nuk mund të thëm tani vendimin zyrtar, por ju mbështesim drejt integrimit në BE”, deklaroi kryeministri belg.
“Do të bashkëpunojmë për të forcuar marrëdhëniet ekonomike-tregtare dhe politike. Me rëndësi për BE është edhe partneriteti në fushën e emigracionit. Ka përpjekje të mëdha që duhen vlerësuar. Belgjika e konsideron Shqipërinë si një vend të sigurtë, prandaj duhet parandaluar emigracioni ilegal dhe ne e vlerësojmë bashkëpunimin e qeverisë. Shqipëria ka bërë reformë në fushën e së drejtës dhe reformës në drejtësi. Në javët e ardhshme do ketë diskutime të rëndësishmë për Rajonin dhe të ardhmen e BE. Do kemi dialog të ngushtë me kryeministrin. Belgjika do shprehet në qershor, nuk mund të thëm tani vendimin zyrtar, por ju mbështesim drejt integrimit në BE”, deklaroi Michel
Pas takimit me Ramën në Kryeministri, kryeministri belg do të takohet edhe me presidentin Ilir Meta.
Javanews.al/a.ç
