Kryetarja e LSI Monika Kryemadhi, ka bërë të qartë sot ambicien e partisë që ajo drejton që të marrë zyrtarisht në dorë protestën e studentëve. Në një takim me strukturat e LSI së Tiranës, ajo u ka kërkuar që ata të shkojnë te protesta e studentëve me qëllim që, sipas saj, të largohet Rama. Nga ana tjetër Kryemadhi ka kërkuar që LSI të vihet në ballë të protestës me të gjithë strukturat e saj në rrethe.
“Ju bëj thirrje juve si drejtues shtabesh të hidhni kartat e partisë dhe merrni në mbrojtje fëmijët tuaj”.
Kreu i LSI u shpreh se Edi Rama është i kapur nga krimi i organizuar teksa shtoi se fatet e shqiptarëve janë në dorën e vetë shqiptarëve.
“Ata studentë duhet të fitojnë betejën përballë një monstre gjakpirëse. Ose ky vend nuk do të ketë të ardhme” – tha ndër të tjera Monika Kryemadhi në takimin e së enjtes.
/a.rada
