Kryetarja e LSI, Monika Kryemadhi ka reagur pas përfundimit të tryezës së opozitës duke deklaruar ngritjen e një fronti për përballjen me narkoshtetin, që sipas saj, drejtohet nga Rama.
“Qytetarët të kërcënuar nga krimi dhe bandat e organizuara. Tryeza e opozitës një lajm i mirë për shqiptarët. Ky front do të nisë angazhimin e tij në luftën ndaj narko-shtetit që përfaqësohet nga Rama“, tha Kryemadhi
Kryemadhi deklaroi se demokracia shqiptare po rrezikohet, ndërsa hodhi akuza për inkriminim të shtetit dhe policisë.
“Njerëzit po kërkojnë të gjejnë zgjidhje tek bandat dhe kjo është një këmbanë e fortë për gjithë Shqipërinë“, tha Kryemadhi duke paralajmëruar edhe tryeza të tjera të frontit opozitar.
E pyetur nëse do ketë protesta nga opozita, Kryemadhi tha:
“Partitë bëjnë manifestime dhe jo protesta. Ky front i bashkuar kundër krimit do jetë inspirues i madh për shqiptarët. Duhet ti japim fund tranzicionit politik që po kalon Shqipëria. Duhet të rizgjojmë ndërgjegjën kombëtare“.
a.ç
